|
МЕМАРАНДУМ АБ УЗАЕМАРАЗУМЕННІ Ў СФЕРЫ ПАЛІТЫЧНЫХ
КАНСУЛЬТАЦЫЙ ПАМІЖ МІНІСТЭРСТВАМ ЗАМЕЖНЫХ СПРАЎ
РЭСПУБЛІКІ БЕЛАРУСЬ І МІНІСТЭРСТВАМ ЗАМЕЖНЫХ СПРАЎ
БАЛІВАРЫЯНСКАЙ РЭСПУБЛІКІ ВЕНЕСУЭЛА
Уступiў у сiлу 24 лiпеня 2006 года
Міністэрства замежных спраў Рэспублікі Беларусь і Міністэрства
замежных спраў Баліварыянскай Рэспублікі Венесуэла, якія далей
называюцца Бакамі,
натхнёныя жаданнем умацоўваць сяброўскія адносіны паміж
абодвума народамі і супрацоўніцтва паміж абедзвюма дзяржавамі на
падставе ўзаемаразумення,
імкнучыся да далейшага развіцця дружбы і супрацоўніцтва ў
адпаведнасці з мэтамі і прынцыпамі Статута Арганізацыі Аб'яднаных
Нацый і агульнапрызнанымі нормамі міжнароднага права,
перакананыя ў тым, што дыялог па пытаннях двухбаковых адносін і
міжнародных тэм садзейнічае найбольшаму збліжэнню паміж Рэспублікай
Беларусь і Баліварыянскай Рэспублікай Венесуэла,
дамовіліся аб ніжэйпададзеным:
Артыкул 1
Бакі праводзяць кансультацыі па пытаннях, што датычацца
развіцця ўзаемнага двухбаковага супрацоўніцтва і супрацоўніцтва на
шматбаковым узроўні ў галінах палітыкі, эканомікі, культуры, навукі
і тэхнікі і гуманітарнага супрацоўніцтва.
Артыкул 2
Бакі садзейнічаюць развіццю супрацоўніцтва і праводзяць
кансультацыі, накіраваныя на каардынацыю іх пазіцый па розных
пытаннях, што ўяўляюць узаемны інтарэс, у рамках міжнародных і
рэгіянальных арганізацый і форумаў.
Артыкул 3
У межах сваёй кампетэнцыі і сумесна з адпаведнымі ўстановамі
кожнай з дзяржаў Бакі супрацоўнічаюць з мэтай устанаўлення і
развіцця непасрэдных сувязяў паміж адпаведнымі дзяржаўнымі
інстытутамі і арганізацыямі абедзвюх краін.
Артыкул 4
Бакі праводзяць кансультацыі, згаданыя ў артыкуле 1, для абмену
вопытам, думкамі і інфармацыяй, па ўзаемнаму жаданню Бакоў у Нью-
Йорку пад час сесій Генеральнай Асамблеі Арганізацыі Аб'яднаных
Нацый або пачаргова ў Мінску і ў Каракасе. Для правядзення
кансультацый Бакі будуць паведамляць па дыпламатычных каналах аб
стварэнні камісій, рабочых груп і груп экспертаў. Бакі своечасова
будуць вызначаць дату, парадак дня і склад удзельнікаў кожнай
сустрэчы.
Артыкул 5
Усе сумненні і рознагалоссі, якія могуць узнікаць у сувязі з
тлумачэннем і ажыццяўленнем дадзенага Мемарандума, вырашаюцца шляхам
перамоў паміж Бакамі.
Артыкул 6
Дадзены Мемарандум заключаецца тэрмінам на тры гады і ўступае ў
сiлу з даты яго падпісання. Дзеянне Мемарандума аўтаматычна
падаўжаецца на наступныя трохгадовыя перыяды, пакуль адзін з Бакоў
не паведаміць другому ў пісьмовай форме па дыпламатычных каналах не
пазней як за шэсць месяцаў да сканчэння чарговага тэрміну дзеяння
Мемарандума аб сваім намеры спыніць яго дзеянне.
У гэтым выпадку дзеянне Мемарандума спыняецца праз шэсць
месяцаў пасля атрымання другім Бокам такога паведамлення.
Дадзены Мемарандум аб узаемаразуменні можа быць зменены па
ўзаемнай згодзе Бакоў. Гэтыя змяненні ўступяць у сілу з моманту
падпісання.
Здзейснена ў г. Мінску 24 ліпеня 2006 года ў двух экземплярах
на беларускай і іспанскай мовах, прычым усе тэксты маюць аднолькавую
сілу.
|
